ختبار نفسى بسيط يعرفك بعض النقاط عن نفسك بدون ورقة وقلم؟

لسلام عليكم للامانة منقول
صفى ذهنك من اى حاجة وركز شوية
مش هياخد من وقتك اكتر من دقيقتين
نبدأ............................
بس ياريت تفضل فاكر اجابتك
المرحلة الاولى
تخيل نفسك ماشى فى غابة اوصف الغابة دى وحاسس بأية يعنى قلقان،مطمن،فرحان ،زعلان
يلا حاول توصفها
وانت ماشى لقيت فنجان اوصف الفنجان دة شكلة اية؟وانت ماشى هتخدة معاك ولا لأ
خلاص قررت!!!!!!!
بعد كدة وانت مكمل رحلتك فجأة لقيت اسد جاى نحيتك هتتعامل معاة ازاى؟
بعد ما تعاملت مع الاسد بالطريقةاللى انت قررتها
وانت ماشى بالغابة لقيت بحيرة اوصف البحيرة دى فكر كدة هتنزلها هتقعد عليها هتتجاهلها تماما
شوف انت هتتعامل معاها ازاى
فاكر اجاباتك كويس ركز وخليك فاكرها
المرحلة التانية والاخيرة
انت دلوقتى بصحراء زى ما وصفت الغابة واحساسك وانت بيها اوصف الصحراء واحساسك وانت بيها
بعد كدة وانت ماشى بالصحراء لقيت صندوق شكل الصندوق دة اية؟
ولما تفتحة هتلاقى جواة اية؟
خلاصنا الصندوق!
وانت ماشى بعد كدة بالصحراء لقيت سلم اوصفة ياترى طويل،قصير ولو وقفت علية هيشيلك
وانت ماشى هتخدة معاك؟
خلى بالك مهم اوى تكون فاكر اجاباتك
وانت مكمل مشى لقيت حصان اوصف الحصان دة اوصفة كويس وبالتفصيل وبعدين فكر كدة
الحصان دة هيأمن لك وانت هتتعامل معاه ازاى وهتخدة معاك ولا لأ
اخر حاجة خلاص
وانت ماشى فى الصحراء دى لقيت صور الصور دة طويل وعريض انت مش شايف اخرة من اولة لاطول ولا عرض هتتعامل مع الصور ازاى قدامك احتمالات كتير
تقعد تحتة تستنى الفرج
تمشى جنبة لحد ما تجيب اخرة
تحاول تفتح فية فتحة شوف وفكر وقرر

كدة خلاص

يلا نشوف بقى دلالة كل سؤال من اللى سألناة
الغابة والصحراء: هما حياتك اللى انت عايشها فاكر وصفتها ازاى!
وكان احساسك فيهم اية!
الفنجان:هما الناس اللى بتقابلهم فى حياتك ورأيك فيهم اية
والاسد:هى المشاكل وطريقة تعاملك معاها
البحيرة: بقى هى الحياة العاطفية وانت وصفتها وقلت اذا كنت هتنزلها ولا لأ
فاضل الصحراء
الصندوق هو انت من جوة فاكر انت لقيت جواة اية؟
والسلم هما الاصدقاء عشان كدة سألنا هو هيشيلك ولا لأ واذا كان طويل ولا قصير
اما الحصان هو شريك العمر انت وصفت وقلت هتتعامل معاه ازاى
اما الصور ياسيدى هو القدر المستقبل طريقة تعاملك مع الصور دة هى نفس طريقة اللى بتحاول تعرف بيها بكرة عامل ازاى!!!!!!!!!!!
بس كدة
يارب اكون اضفت لكم معلومة
جزاكم الله كل خير